小说再现了上海人从60年代到新世纪初烟火味十足的上海弄堂的生活记忆、人情世故、民俗文化等生活缩影，由著名语言学家钱乃荣担任方言顾问，漫画家罗志华配画海派风情浓郁的插图，沪语专家丁迪蒙担任朗读总监，每篇故事都配有二维码，可边看边听，经典再现了弄堂生活的众生相。

嗲·女邮递员
妗夹夹·西波涅
言话·车
老克拉·洋米袋
滑头·小裤脚管花衬衫
手节头·奶油五香豆
规矩·扫帚生日
弄松·黄鱼鲞
吃老酸·熊猫牌香烟
乌里买里·何日君再来
吃定心丸·饭榔头
摸夜乌龟·红烧野胡翅
抛顶宫·飞军帽
搅头势·亭子间嫂嫂
摆噱头·人体素描
六月债·淮国旧
吃弹皮弓·堂吃酒
吃头势·杏花楼月饼
横竖横·横渡黄浦江
抖抖病·少年维特个烦恼
拉郎配·年历片
吵新房·三十六只脚
冷茄茄·假领头
勿是生意经·外宾
狗头牌·红楼梦
年夜头·凭票供应
开窍·黄色歌曲
吃香·国营大工厂
热心热肺热肚肠·锣鼓队
老卵级格·纠察
轧朋友·数电线木头
打相打·每周广播电视
出外快·东风饭店
飞过海·海外关系
淡嘴骨里·味之素
熬勿牢·脚踏车券
神抖抖·文艺活动
螺蛳壳里做道场·汰浴
白相·黄鱼车水果
康密兴·外烟
花功·轧朋友
斜白眼·上海牌小轿车
摆大王·弄堂乒乓球
老鬼失撇·搓老□（特殊字）
戆大·私人电话
起劲·小虎队
攀模子·子夜舞
债头·认购证
眼痒·跑单帮
阿胡卵·看黄带
豁胖·国庆节
死腔·开无轨电车
眼火·奉帮裁缝
小派司·发展下线
回汤豆腐干·洋插队
崇明人拉阿爹·蓝印户口
寻开心·王伯伯
谢谢?一家门·大闸蟹
眯花眼笑·大卖场鸡蛋
懂经·丁克
乓乓响·110联网
做人家·十全大补
把家·情人节
吃咖啡·打卡
结棍·老城厢
门槛·小出老
后记·屏牢
小插曲
上海话释义简表
朗读小记(丁迪蒙)

2008年，我读到钱乃
荣教授辣《新民晚报》浪
向保护上海话个呼吁文章
，对母语日渐逼仄个生存
空间个忧虑勿平，激发了
我做点啥个想法。
我想写一本像上海说
唱一样个上海小说，用日
常口语，就是阿拉哪能讲
话，就哪能写成文字，来
写上海人从20世纪五六十
年代到新世纪个生活缩影
。所幸，《上海话大词典
》使之成为可能，搿个是
上海话写作个基石。
2009年个年底，老《
弄堂》写好了，2011年
出版，不久就“绝版”。虽
然印得不多，流传范围却
出乎意料，勿单单辣上海
，还出现辣香港大学南方
方言个书写历史讲座浪，
辣日本也有多家图书馆收
录，辣美国、欧洲个交关
上海人也读到了。倪匡老
先生还推荐拨金庸老先生
，看得伊哈哈大笑。
蛮多人问过我，为啥
一定要用上海话来写。用
方言写出来个，是自然流
露个人。
也正是搿个原因，老
《弄堂》绝版之后，变成
了一本传说当中个书，想
读个人居然越来越多。
2022年，辣黄晓彦老
师、严山山老师个关心下
，新《弄堂》又来了，增
加了新个故事，修正了旧
个错误，还有了22篇作为
花絮个小插曲，故事按照
时代背景来排序，脉络更
加清晰。
勿少人对我提出，初
次接触，正字阅读有一定
困难，就连倪匡老先生也
讲，像伊搿能样子个老上
海，也只能看懂八成。所
以，新《弄堂》特别邀请
了沪语专家丁迪蒙老师担
任朗读总监，可以听故事
了；还请了漫画家罗志华
老师，配好了海派风情浓
郁个插图。
当年，我写搿本书个
辰光，还算是小上海，现
在已经拨岁月无情个归入
大叔一档了，不过，搿本
书仍旧年轻，因为伊有一
个梦想。

内容与时俱进，诙谐生动，是一部别开生面的上海说唱一样的沪语小说，也是一部通俗的海派文化读物，同时“微电影”画面感强。
图文音频三合一，为国内首部有声沪语长篇小说，读者通过书中的真实情景，也可以学习上海话。

我自2016年从上海大
学中文系退休以来，一直
努力在做沪语的改写、诵
读等传承推广工作。我认
为，沪语是吴侬软语的典
范，既可拉家常，又可诵
读各类诗歌散文。同样，
沪语也是可以书写的。
跟随我的同好们都乐
此不疲，慢慢地聚集起一
大批沪语爱好者。至今，
我们已改写、诵读了数千
篇散文、诗歌。
这其实就和胡宝谈先
生《弄堂》直接用沪语思
维写作不谋而合了。因此
，当责编黄晓彦找到我，
请我找寻讲述者为《弄堂
》配音，让读者可同时享
受到上海话的语音魅力时
，我便欣然同意了。
从收到纸稿到配音完
成，都是在“热得要死个
大热天”里，任务可谓艰
巨。这次的讲述，便成了
沪语朗读者的大集合。
这里简单介绍一下讲
述者的构成。
1）浦东海派旗袍联谊
会的沪语诵读班学员：倪
云华（会长）、顾敏、边
秦翌、周红缨、王浥清、
黄燕琼、徐蔚华、邬渊敏
、俞镝、何秀萍、胡运皎
、俞颖、陆漫真、冯玉红
、冯蓉、郭健、陈飞、邵
小芬、徐君、黄海鹰。
旗艺会学员：曹兰珍
、曹凯、杨敏芳、赵永芳
。
2）普通话水平测试员
中的上海人：陈全娣、徐
祐琮、蒋伟伟、王浩峰、
刘时医、王幼兰、丁薇、
金丽萍、洪瑛、施陈骅、
曹慧娟、田耘、钱爱娟、
卢咏梅、顾天虹、仝康民
、胡剑慧、高丽群。
3）闵行区沪语播音员
：牛美华、薛南平、陈美
莲、徐辉、王伟清、赵群
社。
4）我以前的同事、学
妹、学生和侄女、女儿：
徐慧丽、刘芳华、刘引烽
、孙蕾、王震、张黎明、
姚琳、顾详晴、王乙其。
5）因喜好沪语朗读而
聚集的朋友：王维杰、李
国琪、周恋云、何振华、
朱友好、安娜、李群、王
邦基、徐建青、王峥、马
军、丁曙立、顾卫芳、高
仁恩、沈珊明、岑然周、
胡芷苓、周月英、王宇洲
、钱瑛、潘庆纽。
感谢他们的参与。
上海话，大家一起说
起来！
丁迪蒙
2022年8月于三林寓所

嗲·女邮递员
叶歌君条胡咙，嗲。
人也生了登样，眼睛老大老亮。屋里头商量下来，叫伊考音乐学院去。
弄堂房子，阿会得有啥练声房，更加勿会得有冷气，自家又要着乖，勿好影响邻舍隔壁。每日天，亭子间里练声，窗咾，门咾，关了没不通风，再要拉两层头个厚窗帘，门背后，棉花胎再要挂条。
冷天冷色还好，热天热色真生活，身浪，痱子发了像麻花雨，半日天，花露水好用脱一瓶。
叶歌君，第二名考进去了。学堂里要开会讨论，讨论下来，伊屋里成分勿灵光。
阿妹叶步君人小，事体勿大懂，听见阿姐呒没录取，浑身一轻松，伊想，乃终好勿要练声唻，极勿煞，窗帘布去操操开。叶歌君是，眼泡哭了像水蜜桃烂脱快了，怕人家看见，窗帘布又一把头拉上，拉个力道大勿过，咚一记，人告窗帘布一道掼下来。
叶歌君分配到邮电局，当了一个邮电员。
长袖长裤，头浪，包了毛巾，再戴顶布帽子，连得头颈也勿肯多露出来，风凉皮鞋倒赤脚着，就是担心人家讲伊脚忒白，勿像工农兵。下班天井里坐好，摆只脚盆，脚，水里向泡辣，太阳晒晒伊。
弄堂里，叶歌君日日送报纸送信来个。迭个小姑娘，坐辣高龙头脚踏车浪是蛮好看个，裘小凯，开头也就是看看。下个号头，楼下头王伯伯屋里，亲眷汇钞票来了。平常日脚，口一声勿肯开个邮电员开口了：“王家，图章带出来！”裘小凯前头一秒钟，煨灶猫呀，后头一秒钟，急了要跳出老虎窗噢。叶歌君条胡咙，像饧糖，拿伊搭牢了。碰着王伯伯，触气，耳朵邪气好，又是汇款单，勿是逮捕证，脚头总归邪气快。除出头一趟，王伯伯正好用痰盂罐，慢一步，平常是，半声叫好，人已经踵到门口头了。裘小凯是作孽，常庄只听着半句头“王……”，又要等下个号头了呀。
伊个心，也勿着勿落一个号头。
想叫伊拉爷帮忙，想想勿会得答应。伊拉爷交关把细，香港汇钞票来，从来勿直拔直汇到屋里头，为了放烟幕弹，汇到阿姨屋里先，阿姨末，毛巾绢头包好了带过来。
伊千思百量，只有一只办法，借别人家名字，实底是自家帮自家汇钞票，手续费是，譬如买票子看影戏哦。
大热天，裘小凯拿自家小房间窗咾门咾，关胳缝，再要拉两层头个厚窗帘，门背后，骆驼毛毯再挂条。迭个，是有讲究个。一则，好装胡羊，叫叶歌君多叫两声，念头过足咾，打图书去；二则，光线暗，腔势足，有点咖啡厅兮兮个味道；三则，好叫弄堂里捎马桶吃，汰衣裳咾，茄山河咾，官兵捉强盗咾啥，迭排里乌七八糟个声音，过滤脱，单叫叶歌君个声音，沙滤水一样洇进来。
裘师母看勿懂了呀，儿子啥体呀，下来帮王伯伯讲，伲凯凯发痧味。王伯伯眯花眼笑，我来！我来！我刮痧老鬼个！解放前头拜师父学个，一脚呒没机会上手睐！
王伯伯袖子管揎起仔，胡梯上来了。裘小凯当然勿肯拨伊刮。王伯伯，忘记心是有点大，事体真个做起来，倒是板板六十四，伊讲刮，板要刮。两家头扭过来扭过去，下头叶歌君还呒没叫，姆妈老早帮伊一方图书打好了。裘小凯气是气得来，讲勿出苦。
迭两日，王伯伯看裘小凯人呒没精神，一日到夜，伏辣床浪，像只赖伏鸡，毛病肯定呒没转好，又上来帮伊刮了。裘小凯钻到床底下，定规勿出来，还帮王伯伯吵相骂。
侬一句我一句个辰光，王伯伯个汇款单子来了，楼下头，叶歌君喊了一声又一声。
乃王伯伯要去了，裘小凯眠床下头一记头蹿出来，拿王伯伯两只脚一抱，抱牢，就是勿肯放，嘴巴里嘿嘿嘿笑。
夜饭吃好，汰碗盏辰光，胡梯下头，王伯伯迓迓叫，帮裘师母豁翎子：“?凯凯是，顶好领伊大医院看看看去。”
P3-5